Sep 30, 2012

adrishya kyun ho

adrishya kyun ho
na samajh pata hu main

meri kshamata tumhare aanklan se kahin kam hai
ya yun samajh lo ki ab main thak gaya hu
na aastha hai
na bacha hai koi tark
ab bhi adrishay kyun ho
na samajh pata hu main

koi lapete chadar me ghoom raha tha
kuch na tasveer laga rakhi hai
main chaah ke bhi nahi kehta
ki unki baten man ko atpati si lagti hain
na aastha hai
na bacha hai koi tark


apne apne alag alag raag hain
kuch prashna
aur kuch vihaar aate hain
socha tha tum miloge to kahunga
apratayksha,
aur jaise dhake hue ..asatya ke avaran me
tumhe dhoondho bhi to kahan
sach kehta hu
meri kshamata tumhare aankal se kahin kam hai
ab bhi adrishya kyun ho
na samajh paata hu main


kisi se pooch lenge

"raasta bhatak gayen hain shayad"
"chalo kisi se pooch lein"
aur dekhne lage aas paas
poocha janein kitno se
par na maaloom tha
sach me kisiko na maalom tha

koi achaanak se bola
"chaliye main bhi us oor ja raha hu"
umeed liye
chal diye hum aage

raaste lamba dikh raaha tha
chalte rahe hum ek disha me
ek sadak jud jaati doosre se
chalte rahe hum ek disha me
aur ab shaq hone laga ki shayad
kahin bhatak gaye hain

kar himmat pooch liya
"aapko maaloom to hai na"
"main to aaya nahi kabhi yahan
ek musafir ne mujhe bataya tha"

ab jirah se kya fayda
raat bhi ghani ho chali thi
yahi soch humne kar liya padav

aur jab subah hogi
"to fir kisi se pooch lenge"